ХӨӨРYY ШААЗГАЙН ШАХАНААН

Нэгэ эрэ хүн нэгэдэхи класста hурадаг хүбүүнээрээ гудамжаар хүтэрэлдөөд ябанад. Хүбүүхэн гэнтэ «Вино» гэжэ үзэглэл уншаад, энэ юун бэ гэжэ эсэгэhээ асууба:

- Энэшни хадаа Высший Институт Народного Образования гээ гээшэ. В общем, дээдэ hургуули.

- Хажуудань юун олон хүнүүд байнаб?

- Эдэшни студентнүүд гээшэ.

- Теэд юундэ бултанайнь гарнууд hалганалданаб?

- Шалгалтадаа орохо гээд, булта айшанхайнууд…

* * *

Нэгэтэ гурбан эрэ зон тамын газарта дайралдабад. Тиихэдэнь шүдхэр тэдээнhээ hурана:

- Ямар нүгэл хэhэндээ эндэ оробот?

Нэгэдэхинь:

- Би хүнүүдые тонодог, аладаг байгааб.

Хоёрдохинь:

- Гүрэндөө урбалта хээб.

Гурбадахинь:

- Олон тоото хубхай аргануудые гаргаhанай түлөө.

* * *

Зай, шамдаа хоёр hонинуудые хэлэхэм. Нэгэниинь hайн, нүгөөдэнь муу.

- Хэлыш даа, шагная.

- Би шамhаа hалахам.

- Болоол даа, hайн, баяртайб. Муунь юун бэ?..

* * *

Золушка:

- Гутални гоёхоноор таараа даа, түрэмнай хэзээ болохоб?

Принц:

- Энэшни hаял эхин гээшэ. Мүнөө табадахи номерой бюстгалтер хэмжэхэбди.

* * *

Нэгэ фирмын ноён жолоошонhоо hурана:

- Фамилишни хэн бэ? Би жолоошодтоо гансал фамиляарнь хандадагби.

- Бадма!

- Иимэ фамилитай гүш?

- Бэшэ, энэтнай нэрэмни.

- Би шамhаа фамилиишни hуранаб?

- Намайе фамиляарнь дуудахагүйлтэ даа. Миин Бадма гыт даа.

- Ши иимэ мохоо хүн гүш? Фамилиш хэн бэ гэжэ үшөө дахин hуранаб!

- Зай, яахаб. «Шамда дуратайб» гэжэ фамилитайлдеэ.

* * *

Тоо бодолгын хэшээлэй үедэ багша Гармаhаа асууба:

- Хэрбэеэ 3 кг яблока 30 түхэригтэ байгаа hаа, 1 кг яблока хэдытэ болохоб?

Гарма хүбүүхэн ехэтэ бодолгото болонгүй, hард хэлэбэ:

- Магазин соо сэнгыень хараха юм ааб даа.

* * *

Би түрүүшынхиеэ «Запорожец» машина хараhанаа абамни урдахи каподыень тайлаад, тиишэнь нэгэ тэбэри түлеэ хээд машинаяа абяа гаргаад ябашоо hэн. Тиигээд би нилээд үни «Запорожец» машина түлеэгээр ябадаг гэжэ hанадаг байгааб.

* * *

Ехэ барилгын hүүлдэ нэгэ прораб урматайгаар нүхэдтөө хэлэнэ: Пизанска башниhаа дутуугүй, үшөө үлүү гэгшын гэр барибалди даа.

* * *

Маршрутка соохи соносхол: энэ машинаар ехэ дүй дүршэлтэй жолоошон ябана. Оройдоол арбадахи машинаяа hэлгээ.

* * *

Нэгэ хүбүүн басагантай танилсаад, телефонойнь номер hурана.

- Ная юhэн миллиард зуун хорин долоо миллион долоон зуун ерэн дүрбэ мянга зуун табин гурба.

Хүбүүн эдэ тоонуудые дуулаад яагааб?

* * *

Стол тойроод ехэ гэгшын hайндэр боложо байна. Тэдэнэй дунда нэгэ томо гэгшын, шандааhатай эрэ хүн орой архи уунагүй.

- Ши юундэ уунагүйбши?

- Багаханаар уугаа hаа, намда балайш хүхюутэй байдаггүй, ехээр уугаа hаам, таанадта муу болошохол даа.

* * *

Хоёр залуу басагад кроссворд таана.

- Иосиф Виссарионович, зургаан үзэгтэй.

- Зургаан үзэг. Кобзон.

Нээрээ.