|
ТYРЭЛ ТООНТОМ - ТYYХЭТЭ ГООНДОЛ
СССР-эй Журналистнуудай холбооной гэшүүн Бадма Цыдыпович Эрдынеевтэ
Ууладаа гүн ой модотой
Улхасаа буурал хоймортой –
Yрэжэл баян Гоондо
Yдэhэн шиниим Тоонто.
Наhанай балшар хаhа соогуур
Наранай зундаа тогтоходо,
Талынгаа торгон гол дундуур
Тамархаа гүйлдөөлши ото.
Муу борьбоёо гээхэ сагтаа
Cуу ехэтэ Нарhатада –
Yетэнooрoo мyн сугтаа
Yгсэлэйлши эрдэмэй шата.
Толгой hонор, cэдьхэл cэбэр
Түбэргөөлши холын замда.
Новосибирскын шэн үндэр
НАМ – үгэлэйл бэлиг шамда.
Уула сэнхир нютагуудтаа
Дуулан бусааш гал далитай –
«Хэжэнгын гол» сонинуудта1
Хинагшань болоош, багажатай!
Ууладаа баян дараатай
Улхасаа эхэ нютагтай –
Ургаhан шиниим Тоонто
Угайш түүхэтэ Гоондо!
Хойто зүгhөөш хүгжэм татаад
Хүхэ нууршни гүн долгидоо,
Бодхоон туудаг hэн матараад –
Болбосорлойш2 hүлдэ түхөөгөө…
2010
Ажаглалтанууд:
1 Аяар гурбан арбан жэлнүүдэй хугасаада аймагай «Хэжэнгын гол» ба «Долина Кижинги» газетэнүүдэй ахамад редакторай тушаал даажа, ажабайдалые гүнзэгыгөөр шэнжэлhэн, өөрын нюуртай хүн ааб даа.
2 Хүнүүд ажалай шалтагаанаар хаанашье, ямаршье нютагта хүдэлдэг. Зүгөөр түрэhэн дайдаяа, уhа голоо эрьежэ, тоонто газарайнгаа түрэл хүрьhэн дээрэ нюcэгэн хүлөөрөө гэшхэхэ ба элинсэг угайнгаа эхэ хэлэн дээрэ хөөрэлдэхэ ёhомнай – гүн удхатай юм. Түрэл хэлэнэйнгээ далда элшээр жэгнэгдэжэ, хүнүүд таагдашагүй тамир хуряадаг заяатай. Зарим хүнүүд энүүниие ойлгохоhоо байтагай дуулаашьегyй ябадаг ушарнууд бии.
|
