|
Цыдып ЦЫРЕНДОРЖИЕВ
Оршуулганууд
 Басё (Япон)
Гурбан мүртэй шүлэгүүд
(хокку)
Хүбүүгээ алдаһан эсэгэдэ
Толгойгоороо тонгойгоо, газарта нэнгэн, –
Түхэреэн дэлхэйн хүлhөө тархи дээрээ гараhандал, –
Түрюурэн саhанда гунхыhан ожорhон.
Эхэ ороноо орхингоо
Yүлэнэй үдхэн
Yбин унаа нүхэдэй дундуур… Хахасаа…
Урда зүг руу ниидэhэн галуун.
х х х
«Намар газаашни ерээ!»
Нэнгэн шэхэндэм шэбэнээ,
Маряан ойртоод, дэрэдэм hалхин.
х х х
Майн бороонуудай хаhа.
Мянган галнуудаар ялаганана –
Һyниин харуулшадай дэнхэнүүд.
х х х
Хюруу унан, тэрэниие хушаа.
Хэбтэхэ унтарииень hэбшээн бэлдээ…
Газаа хаягдаhан хүүхэндэ.
х х х
Замбида гайхалтай hара.
орёон тайруулhан модондол.
Һая тайраhан газарынь сайна.
х х х
Алтан шара набша тамарна.
Али эрьедэ hэрихэбши цикада
Гэнтэ нойртоёо хахасахадаа…
х х х
Яатараа үерлөөб мүрэн?
Ялтагар, богони хүл дээрээ
Цапля үбдэгсөө ябана уhан соо…
х х х
Шэмээгүй, hаратай hүни…
Шарабтар каштанай гүн соо
Шарсаганаса модо химэлнэ хорхой.
х х х
Нюсэгэн мүшэр дээрэ
Нэнгэн hууна турлааг.
Намарай аалин үдэшэ.
х х х
Һарагүй hyниин харанхы соо
Һэмээхэн үнэгэн маряана.
Yни болоhон дынидэ…
х х х
Далайн ногоон соо бисхайна
Тунгалаг жараахайнууд. Баряа hаа,
Тэрэл зуура хайлаха.
х х х
Хабартаа сайн набшаһа суглуулна
Бүхы сайн набшаhануудые суглуулба ажалшад,
Баран тэдэ хаанаhаа мэдэхэб, сайн hөөгүүдтэ
Эдэ бүгэдэ намарай hалхин мэтэ ха юм.
х х х
Һара руу шэртэн гунигланаб;
Гуниглан өөрынгөө заяан тухай бодоноб;
Иимэ шадабаригүйдөө гуниглана гүб?
Гэбэшье хэншье hуранагүй;
Юундэ гунигтай байhыемни?
Харин гансаардаhан намда бүри гунигтай болоно.
Гунигаар сэдьхэлээ гэрэлтүүлэ!
Yдэшэ эдеэлжэ байхадаа, иимэ дуу дуула,
О, «Һара доро гуниглааша!» гээд дуула!
х х х
Ожорһоор хушагдаһан урса гэрхэн соо
Һалхинhаа бананай ёолохые,
Һар-шэр дуhалай унахые,
Һyнёор дүүрэн шагнанаб.
х х х
Yшөөhэн гунхашоод, унтана.
Yндэр гэшүүhэн дээрэнь гургалдай –
Тэрэнэй hүнэhэн гээшэ ха.
х х х
|
