Надежда РАДНАЕВА

Юундэшьеб...

(Шог)

Хахасаhан шамайе юундэшьеб

Ходол hанаандаа хүлеэгээб.

Халижа байhан дураяа

Хабхалжал ядаал хаб.

Ошоhон шамайе юундэшьеб

Отол зүрхэндөө хүлеэгээб.

Ошотожо байhан дураяа

Унтараажал ядаал хаб.

Саашалhан шамайе юундэшьеб

Сэдьхэлдээ хаа-яа хүлеэгээб.

Салгидан байhан дураяа

Саража одоо ядаал хаб.

Нэнгээгүй шамайе юундэшьеб

Нэтэрүүгээр ехэл хүлеэгээб.

Нюужа байhан дураяа

Намнахадажа ядаал хаб.

2010 оной декабрь.

Нэгэтэ...

Хүйтэн үбэлшье гэнгүйгөөр

Хожом нэгэтэ ерэхэ гүш?

Сагаан саhан дээр мүрлэн,

Сэнтэhэн сонхым тоншохо гүш?

Хабарай hайхан сагта

Хүрэжэ нэгэтэ эрьехэ гүш?

Халуун дураар халиhан

Харахан зүрхым шагнаха гүш?

Зулгы зунай хаhада

Заларан нэгэтэ бусаха гүш?

Залираагүйхэн дурыем

Золгоод дахин бадарааха гүш?

Шарахан намарай үедэ

Шамдан нэгэтэ зорихо гүш?

Шамаяа хүлеэгээд hуухадам

Сэлин үүдым орохо гүш?