Шажан

Дyрбэдэхи субарга гэбшэ-лама манжабта зорюулагдаба

Үуһөө үедэ дасан дугангуудай болон субаргануудай һэргэн мүндэлжэ байхада, манай орон дотор арад зоной аша оролдолгын туһаламжаар ба хандиб үргэлгөөр бүри үргэнөөр дасан дугангууднай һэргэжэ бодхоогдодог болонхой.

Дасан дугангууднай гүрэнэй тэдхэмжын эмхи зургаанууд бэшэ һэн хойноо, өөһэдөөл арад зонойнгоо туһаламжаар үеһөө үедэ бэеэ даажа байдаг, улам саашаа хүгжэхын хойноһоо оролдожо байдаг газар.

Мүнөө үедэ Хэжэнгымнай «Даша Һэмбүүлин» гэжэ дасанай дэбисхэр дээрэ дүрбэн субарганууд бодхоогдобо.

Диваажин дуганай хажууда «Бад Бум» субарга бодонхой – тэрэ 1930-аад гаран онуудта хамалган хашалганда ороһон Хэжэнгын дасанай ламанарта зорюулагдаһан субарга юм. Мааниин дуганай дэргэдэ бодхоогдоһон «Ендум» субарга гэбшэ-лама Галсан баабайда зорюулагданхай, харин дасанай баруун тээ «Жанчуб» субарга гэбшэ-лама Доржын баабайда зорюулагдаһан, тиин дасанай зyyн тээ гэбшэ-лама ябаһан Мархасайн Манжабта «Һабаб» гэжэ нэрэтэй 4-дэхи субарга зорюулагдаба.

Мүн тэрэнэй арамнай байгша оной октябриин 29-дэ үнгэргэгдэхөөр хараалагданхай.

Энэ субарга Хэжэнгын дасанай шэрээтэ Гармажаб-ламхайн ба дасан дугангуудые урлан шэмэглэдэг уран зурааша Ц.Ш. Цыбановай аша оролдолгоор зохеогдожо, шэмэглэгдэн бодоһон байха юм.

Тус субарга барилгада Шагдар, Мэргэн ламануудаар Мархасайтан аймагай хүбүү бэреэдүүд хамһалсаа.

Трактор машинаар модо, шулуу, элһэ зөөһэн Бааһатын Бористан ехэ туһа хүргөө. Тиигэжэ тэдэнэй туһаламжын хүсөөр энэ субарга богонихон болзорой хугасаа соо мүндэлбэ.

«Һабаб» субаргын барилгада туһаламжа үзүүлһэн, хандиб үргэһэн нютагайнгаа хүн зоной нэрэнүүдые дурдамаар:

Ленинзамай сангарилай хүгшэд – 500 түх.; Хүхэ-Добын сангарилай хүгшэд – 1000 түх.; Балданов Дандартан, Галданов Баяртан хадам эжытэеэ, Аюржанаев Агуутан, Галданов Герасимтан, Санжижапов Цырен-Доржотон, Хамисовтан аймаг, Галданова Роза Майоровна – 1000 – 1000 түх. мүнгөөр; Дылыков Бата-Мүнхэтэн – 600 түх.; Виктор Бадмаевтан, Ород нютагһаа Махабалаевтан, Солбон Аюровтан, Сергей Шойжиловтон, Баяр Бальжинимаевтан, Анна Доржиева, Лубсан-Дамби Дабаев, Гутаб Аюров – 500 – 500 түх. мүнгөөр; Гомбо Гончикдоржиев, Шагдар Жигжитовтан – 300 – 300 түх. мүнгөөр; Мүшы Дугаровтан – 200 түх.; Долгор Доржиева – 100 түх.; Борис Бастуевтан үхибүүдээрээ – 17 мян. түх.; Дыма Бадмаева үхибүүдээрээ – 22 мян. түх.; Ринчин Мархасаев – 9500 түх.; Зоя Мархасаевагай гэр бyлэ – 4 мян. түх.; Намжилма Манжапова Дагба Дашиев хоер – 13 мян. түх.; Света Манжапова – 6 мян. түх., П.Ц. Буянтуевтан – 11 мян. түх.

Субарга бодхоохо гээшэ уран гартай барилгашадай хүсөөр бододог. Эдэ олон зоной ашаар бүтээгдэһэн «Һабаб» субаргын түлөө Мархасайтан аймаг үнэн зүрхэнэй баяр хүргэнэ, элүүр энхэ, золтой жаргалтай ябахыетнай үреэнэ.

Дамжуулан бэшэгшэ

Петр БУЯНТУЕВ.