Хөөрүү шаазгайн шаханаан

Амаралтын үдэрнүүдтэ би огто дурагүйб. Юундэб гэхэдэ, арай гэжэ hанаагаа заhаад, камин-пеэшэнэй хажууда, аягатай халуухан кофе баряад, үлгы-креслэ дээрэ hууха гэн гэhээшни, гэртэшни камин-пеэшэншье, хара кофешье, үлгы-креслэшье байхагүй. Эх!

* * *

Нэгэ олигарх фэн-шуйн мэргэжэлтэндэ ехэ гомдолтойгоор хэлэнэ:

– Минии байдал булта зүб хэбэртэй: ордомни – баруун зүгтэ, алта абадаг газарни – зүүн зүгтэ, амархадаа урагшаа дулаан газар ошоноб. Теэд, юундэб даа, жаргал баяр хоер досоомни түрэнэгүйл.

– Эдэ бүгэдэшни юунhээб гэхэдэ – хойто зүгтэ түрмын үүдэн үнихэнэй шамайе хүлеэнхэй.

* * *

Иван царевичэй ээлжээтэ нэгэ бахаяа баряад, таалан гэhээнь, тэрэнь гое гэгшын хүбүүн болошобо.

– Эх! Дахинhаань эрэ байба…