Уран зурааша, багша, дайнай ба ажалай ветеран, нютаг ороноо шэнжэлэгшэ Ц-Н. О. Очировой 90 жэлэй ойдо

ЕҺотой багшын ойе еҺотойхоноор yнгэргэбэд

Багша тухай мэдээн: Цырен-Намжал Очирович Очиров 1920 ондо түрэһэн. Эсэгын дайнда японцуудаар дайлалдаа. Дунда-Худанай дунда һургуулида багшалаа, һургуулидаа нютаг ороноо шэнжэлэлгын музей эмхидхээ, «Уг изагуурай hарбаалжын модон» гэhэн гар бэшэмэл номой автор.

Уран зурааша ябаhан, зурагуудайнгаа түлөө дэлхэйн олон тоото гүрэнүүдтэ мэдээжэ болоhон. Нэрлэбэл, Англи, Франци болон Германида үнгэргэгдэһэн уласхоорондын ба Бүхэсоюзна выставкэнүүдэй 6 дахин илагша болоhон, СССР-эй ВДНХ-гай алтан медальда хүртэгшэ, Буряад Республикын Гүрэнэй шангай лауреат. 1987 ондо наhа бараа.

 Ц-Н.О. Очировто наhа бараhанайнь удаа Буряад Республикын арадай уран зурааша гэжэ нэрэ зэргэ олгогдоо.

Байгша оной апрелиин 9-дэ Могсохоной дунда hургуулида  айлшад болон нютагай зон сугларжа, мэдээжэ багша Ц-Н.О. Очировой гэрэлтэ дурасхаалые мүнхэлhэн hурагшадай дунда «Цырен-Намжал Очиров: гэгээрэлэй,  дайнай ба ажалай ветеран, арадай уран зурааша, нютаг ороноо шэнжэлэгшэ, этнограф» гэһэн аймагууд хоорондын 1-дэхи эрдэмэй-практическа конференцидэ хабаадаба.

Тус хэмжээ ябуулга баяр еhололой оршон байдалда нээгдээ. эгээн түрүүн нютагай сомоной гулваа Б.Н. Жамьянов, Яруунын аймагай Тужинка нютагай сомоной гулваа, Чисаанын Булаг нютагhаа гарбалтай Ж.П. Доржиев болон бусад үгэнүүдые хэлээ. Удаань Цырен-Намжал Очировичой хибүүд болон аша, зээнэрынь hургуулидаа баабайнгаа зураhан зураг бэлэглээ, хэмжээ ябуулга  эрхилэгшэдые, ерэhэн айлшадые ба хабаадагшадые гэр бүлынгөө зүгhөө мэдээжэ багшын зээ басаган С.Б. Тарнуева амаршалаа.

Тон  hонирхолтойнь  гэхэдэ,  видеомагнитофоноор Цырен-Намжал Очирович тухай буулгагдаhан «Сансарын хүрдэ» гэжэ фильм харуулагдажа, сугларагшадай зүгhөө ехэ һонирхол татаа.