Дабацырен ЖИГМИТДОРЖИЕВ

Жэбхээhэндэ

Хойноhоо, Ярууна тээhээ ганганалдаад,

Хаана холоhоо хун шубууд зэлэтээд,

Хори, Хэжэнгээр урагшаа шэглээд,

Ходо hүрэн доогуур ниидээд,

Хөөлэнтии, Сагаан - Нуур дээгyyр амараад,

Хабар намарай байдал hануулаад,

Хүнүүдэй харахада урагшаал ниидэнэд.

Буурал үбгэн байжа амараад,

Баруун хойшоо hарабшалан хараад,

Байжа байгаали адаглан шэртээд,

Наhанай залуу үе hанана.

Нилээдшье сагай ябаhые харана.

Бурьялжа hайханаар Гангата урдаад,

Бууса hайхан Жэбхээhэн нэмжыгээд,

Буурал Ажа еын Шэбэр түшэглөөд,

Буурал үбгэн байжа амараад,

Баруун хойшоо hарабшалан хараад,

Байжа байгаали адаглан шэртээд,

Наhанай залуу үе hанана.

Нилээдшье сагай ябаhые харана.

Баруун хойноhоо бороо тээгээд,

Байгал тээhээ hалхяар туугдаад,

Боробтор, сайбар үүлэнyyд нүүнэд.

Байгал Яруунынгаа долгидоо hанаад,

Хүн шубууд   олоороо амараад,

Хаба шадалай далинуудаа hореод,

Байгал Яруунаяа тэхэрихэл зореод.

Элигсы үбгэн

Элигсы үбгэн галаа түлэбэ гээд,

Энеэлдэжэ байгаа үбгэд хөөрэлдэнэ миhэрэлдэн,

Гүлмэр ябаhан бидэ, үхибүүд гайхаад,

Гүйдэлөөрөө ошонобди,

Тудхалтаар бэдэрээд,

Галшье, Элигсы үбгэншье харагдахагүй байгаа.

Гүлмэр ябаhан бидэ, үхибүүд наадаад,

Тооноороо утаа   бушхаhан

Түмөөтэндэ хүрөөд,

Тараг айраг, аарса садатараа уугаад,

Тэхэрижэ бусанабди,

Түмөөгэйдэ hайса амараад.

Түүдэг гал хаана носоноб гэлсэхэеэ,

Тудхалтада утаанай гараhые мэдэхэеэ

Тадшье, гүйлдэхэеэ огто болеобди.

Таабариhаа абтаhан үгэнүүдые ойлгообди.

Газар доро Гахай багша

Галаа түлэбэ ехэ ехээр

Газар дээгүүр зэрэлгээтэн наранда байгша

Газар гэдхээхэ хабар ерээ эртүүр.

Тудхалта

Аятайханаар сайгаа уудаг үбгэд хүгшэд,

Адаглажа удаахан Тудхалта хада хараад,

Аажамаар хөөрэлдэнэл сэдьхэлhээ бэеэ амараад,

Долоон хоногто даамгайгаар ороhон бороо

Дүүрэн нэбтэрhэн газарнай амараад одоо,

Хара үүлэн хаража байна мүнөө.

Харахада сагаан үүлэн дүүрэн үшөө

Тудхалтамнай хара малгайгаа хүжүүнээр тайлаад,

Тойробшо сагаан малгайгаа дүмүүхэн үмдөөд,

Сэлмэхэ тэнгэриин олон наранда харагдана.

Шад улаан нарамнай олондоо жаргаад,

Сэлмэхэ тэнгэриин одото тэмдэгтэ таараад,

Дэлгэр баян жэл болохол байна,

Дэмы бэшэ наhатайшуул адаглаhан байна.